المنتدى الرسمي راهي الامارات - الفـ‘رق بـين البنت الدفششه والبنت النآعممه ..

مرحبآ مليون ..

حبيت انزل الموضوع هذآ لآن هنييه كل بنآت هع هع ..//~

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ

البنت الناعمة:

طبعا هذي البنت وهى نايمة فى غرفتها الدبدوب والارنوب كلهم فى احضانها واذا قامت من النوم

ما تقوم الا الساعة وحدة الظهر واللى تقعدها من النوم الشغالة وطبعا تكلمها بالانجليزى بترجم

لكم شو قالت لها الخدامة تقول قومى ماما وقت واجد تأخير والناعمة اول ما تنش

من النوم تفتح الستارة والدرييشه علشان الغرفة تتنفس وتشغل موسيقى رومانسية علشان

يكون الجو صح فـ صح وتاخذ حمام محترم وبعد ما تطلع من الحمام على الجآمه ع طول تحط من هالكريمات والصبغ

لازم تحافظ على البشرة خلصت من الجآمه وع طووول على الاستشوار

وبعدين تلبس البنطلون الجنز وتنزل تاكل الفطور اللى يكون عبارة عن دونت

وعصير برتقال خخخخ ..

------------------------------------------

البنت الدفشة :

تقوم الساعة 8 الصبح وهى ما ودها تقوم وتدخل امها عليها بالغرفة وتصرخ عليها قومى

شبعتى نوم ترد الدفشة على امها زين زين الحين بقوم وتقعد تأفففففففف ويطلع من

حلجهـآآآ نار بالاضافة الى انها وهى نايمة كل دقيقة تطيح من على السرير وبعدين يدخل

اخوها الصغير ويصصرخ صرآآآآخ يلآ نششي بسسج نووم ,, وترد علييه

اطلع ولا بففرك من الدريششه << تذكرت الكورة اذا دخلو عليها اخوانها فلعوهآ بس الحين غيرووآ رفسه خخخخ >> المهم اخوها اللى اكبر منها يروح لها الغرفة يرفسها

وبعد هذييج الرففسه

الرفسة القوويه تنش من الننوم
-----------------------------------

نرجع الى البنت الناعمة

ما تتغدا الا الساعة 4 ولا 5 ولا تتغدى بيض مسلوق

وسلطة تحافظ على رشاقتها
---------------------------------
اما البنت الدفشة

تتغدا الساعة 12 بالضبط ولا تتغدى كبسة ولحم او ديآآي هع واذا خلصت تشرب البيبسى شربة

وحدة يعنى ما فى مجال انها تتنفس

---------------------------------------

البنت الناعمة:

طلعتها تكون من بعد صلاة المغرب ما تطلع العصر تحافظ على البشرة من ضوء الشمس

----------------------------------

البنت الدفشة

تطلع الساعة 2 الظظهر تروح مشى لبيت خوالها لييين ما تنقلب سمرة

---------------------------------------

البنت الناعمة:

تروح ستار بكس او اى كافية وقبل لا تطلع تمر على الصالون تحط هذاك الميك الاب

-------------------------------------

البنت الدفشة

تحط كحل يتترس العين والروج تقول ما كلة انسان واذا بتروح تروح السوق ولا الكرآآج ههآآي
عتوقه هع هع ..//~
-----------------------------------------

البنت الناعمة:

اذا تبى تضحك تقول ( هههههههههه) ويدها على فمها من الخجل والضحكة من الصعب انك تسمعها

---------------------------

البنت الدفشة

ها ها ها ها واهل الفرييج الثاني يسمعونها

----------------------------------

البنت الناعمة:

اذا تحب تسمع اغانى ما تسمع عربى ما تسمع الا ريكى مارتن طبعا لانة حلو وممثلها المفضل

توم كروز لوسامتة وميل جبسون وجيم كارى لخفة دمهم

------------------------------------

اما البنت الدفشة

ممثلها المفضل محمد هنيدي وعبدالناصر درويش ومطربها المفضل خالد عبد الرحمن ورابح صقر والا شعبان عبد الرحيم ولا علي بحر
---------------------------------------

البنت الناعمة:

لما تطآلع على التلفزيون تقعد على الكرسى وتحط رييل على ريل وتبتسم لان الابتسامة تضفى بشاشة على الوجة

----------------------------------------

البنت الدفشة

تنسدح على الارض وتحط رأسها على المخدة وتمد ريلها وتحطها على التلفزيون واذا تبى

تغير القناة دقت التلفزيون باصبع ريلها وغيرت القناة

----------------------------------------

البنت الناعمة:

اذا تبى تحلم احلام اليقضة طلعت فى حديقة بيتهم وقعدت على الكرسى هزاز وقام الكرسى

يروح ويرجع

-------------------------------------

البنت الدفشة: تروح بالحوش وتمد السجادة اللى فيها خمسة وثلاثين لون احمر واسود وابيض وجابت كووب

ستة متر متروس شاى

-------------------------------------

البنت الناعمة:

فى نهاية هالموضوع تقولكم تشاو او سى يو او بباى
ههههههه ببآي وآآي اسمعها هاي الايام خخخ

------------------------------------
اما الدفشة :

فى نهاية الموضوع تقولكم حياكم الله تأمرون على شىء

يلاااااااا كل وحده منكم تقول هي دفشه ولا ناعمه

اكيد كلكم بتقولون البنت الناعمه

خخخخ ..//~

أسسولف ويآكم بنآت الامآرآت مآ عندههم هآلسوآلف هع ..//~

ـــــــــــــــــــــــــــــــــــــــــــــــــ

فمآن الله