عطونا حق الليلة.....قرقيعان
 

الســـلامــ عليكم..

http://i23.tinypic.com/i4jtqs.jpg

من حق الليله..


عطونا الله يعطيكم بيت مكه يوديكم


عطونا من حق الله ولا بنذبح عبدالله


عطونا من حق هالليله ولا بنذبح العجيله

كلمات حلووه كنا نرددها زمان اوول ويعرفها كل خليجي

أحتفال بليلة النصف من شعبان ( يعني اليوم )

كل واحد ما شاء الله شال كيسته وياه ويطلب من البيوت حلاوه

وطبعا تختلف مسمياتها من دولة خليجيه لاخرى:::

في الامارات يسمونها :-- حق الليلة

في الكويت والبحرين يسمونها :-- قرنقعوه

في السلطنة يسمونها :-- القرنقشوه أو الطبلة

أما في السعودية يسمونها :--- القريقعان أو الناصفة أو القريقشان

http://www4.0zz0.com/2007/08/25/12/62676646.jpg

ما زالت العادة لين الحين مستمر بس فيها شوي تطورات حديثة طرات عليها بس ما منسا هذي الايام الحلووه طبعا كل واحد في صغرة سار يليل ويلقط حلاوه صح واولهم انا

اذكر من زمان انا واختي واخووي يوم كنا نلف وكل واحد طبعا كاشخ ولابس احلى الثياب

وما شاء الله الكيس................

كيس بلديه هذا الكبير الي كنه خريطه انسحبه ويانا وطبعا محملين اكياس أحطياط للضروره.....

وكان ها اليوم مطر وسيول ووديااااااااان واحنا ولا همنااا الا نروح

واذكر ان احناا ما خلينا بيت ولا شعبية الا رحناهااا لين ما اذن المغرب وظلمت الدنيا علينااا ومطر سبحناااا

واحنا بعدنا نلف ما همناااااا

لين ما تجمدنااا من البرد ودخلنا بيت معارريس وشافووو حالتناااا ودخلوووونا بيتهم وشغلوو الدفايه ويابو لنا البطانيات والحليب السخن والله ونااااااسه

واحنااا بدس نفتح الخريطه ( الكيس) مالتناا وناكل الحلويات

وبعد ما دفينااا سألوناا احن عيال منووو وخبرناهم فوصلنا ريلها لبيتناااا

والله لا يوريكم شو الي صاير في البيت والفريج حاله طوارء وناس تدور علينا

واحنا في السياره وخايفين ننزل ليضربوناااااا

بس والله كان يوم عجيب لين يومكم الاهل يذكروووه



يالله كل واحد يخبرنا من ايام طفولتة الحلوووه ويوم بتدخلوون لاتنسون الكيس وياكم بعطيكم حلاوه حق الليلة



http://www8.0zz0.com/2008/08/15/10/212097107.jpg

http://www8.0zz0.com/2008/08/15/10/120938311.jpg

اليهال بيستانسون اليوم


...

وسوالم ..^^!!

...

تسلم ع مرورك الغاوي ...

..

تسلمين سجايا ع المرور الكشوخــي

ياهووو.,,,..هيه والله صدقج الحين مانحس به

الله عــلى ايـــام اول

ونحن طــافنا الــقطار
كانت ايــام الـصراحه يوم نتريا هالليلة ومستانسين حدنا

واحـينه كــبرنا وياريتنا ما كــبرنا
وتمينا اطــفال ويــهال
الله على قــلوب الاطــفال
على بــرائتهم وعلى قــلوبهم الــطاهرة


كل الــشكر لج غاليتنا على الطرح الطيب
والــصور والا اورع

][

يسلمو ع المرور ..

][