المنتدى الرسمي راهي الامارات - رد: فطور للمدلعين بسسس

[I]

يعرف أهمية وجبة الفطور بالنسبه للجسم ..

وخصوصآ للطلاب والموظفين .. اما الي قاعدين في البيت ماعليهم ضيق متى ماقاموا ياكلون شابوره مع قلاص جاي

عشان جذي لازم نركز عليها أكثر من العشا ..

وبعض الناس مايحبون الفطور لانهم حاطين في بالهم انه خبز مع جبن قلاص جاي بس

تلقينها تقول اتصبر لين الغداء احسن ..

غلط .. واكبر غلط تفوتون وجبة الفطور ..
ومن ناحية الرشاقه ..وجبة الفطور تعتبر الوجبه الأساسيه لتحرك عضلات البطن في الهضم .. لانها وجبه بعد الأستيقاظ من النوم .. فالجسم بيتحرك بدون كسل ..

معلومات بسيطه حبيت أطرحها واتمنى تستفيدون منها ..
نشوف مع بعض أنواع وجبات للفطور ..

وتقدرين تغيرين بالمقادير .. الي يبون دجاج بدل اللحم او تونه ..

بيض بالمرتديلا

http://www.mnq8.com/mybox/getimg.php?image=9155

نقطع المرتديلا + فلفل بارد وندهن القلاصات بزيت ونحط الفلفل البارد ثم المرتديلا ثم الجبن ..
صراحه هذي يمممممممممممممم لاتفوتكم لذيذه وسهله
http://www.mnq8.com/mybox/getimg.php?image=9156

نخفق البيض مع ملح وفلفل ونصبه عليهم ونحطهم بصينيه وندخلهم الفرن من تحت حوالي 15 دقيقه .. او بالمكرويف 3 دقايق ..

http://www.mnq8.com/mybox/getimg.php?image=9157

وتكون جاهزة

http://www.mnq8.com/mybox/getimg.php?image=9158

وبجذي تكون وجبه متكاملة .. بروتين + كالسيوم + فيتامين من الفلفل البارد

وقدموها مع خبز وزيتون وقلاص قهوة ..

http://www.mnq8.com/mybox/getimg.php?image=9159

فطاير الجبن

http://www.mnq8.com/mybox/getimg.php?image=9160

علبه جبن [ يفضل فيتا ] او حلوم حسب رغبتك + 2 بيضه + 1\3 قلاص صحين + فانيليا + سكر

نفصل صفار البيض عن البياض .. ونلخط الصفار مع 2 ملعقه صغيره سكر وملعقه صغيره فانيليا .. ثم نضيف الطحين والجبنه بعد تفتيتها ..

بياض البيض نخفقه لحاله حتى ينفش ..

http://www.mnq8.com/mybox/getimg.php?image=9161

ثم نضيفه على العجينه .. ونبدا نصبه بالتاوه بعد دهنها بالزبده ..

http://www.mnq8.com/mybox/getimg.php?image=9162

دقيقه ثم نقلبها ..

http://www.mnq8.com/mybox/getimg.php?image=9163

وتقدم مع العسل او المربى ..

http://www.mnq8.com/mybox/getimg.php?image=9164

لو عندكم فراوله طبيعي او مجمد ( او توت ) حطوا لكم مقدار استكانة مع 1\2ملعقه شكر ونص ملعقه خل .. ثم اهرسوهم وحطوهم على الوجه ..

http://www.mnq8.com/mybox/getimg.php?image=9165

ومع قلاص حليب بتكون وجبه مثاليه ..

http://www.mnq8.com/mybox/getimg.php?image=9166

ميني بان كيك

http://www.mnq8.com/mybox/getimg.php?image=9167

الخليط هذا سريع ولا يحتاج بيض ولا زيت ولا حليب .. فقط ماء ..

http://www.mnq8.com/mybox/getimg.php?image=9168

جهزوه وجيبوا قوالب أشكال .. وأبدوا الشغل . .

http://www.mnq8.com/mybox/getimg.php?image=9169

حطيوهم على التاوه وصبوا الخليط فيها ..

وقدموهاا بطريقتكم ..

فطور جيمي أوليفر

http://www.mnq8.com/mybox/getimg.php?image=9170

2 بيضه مخفوقه مع استكانة حليب .. ونقليها

نقانق مشويه بالفرن مع حبه طماط بالفلفل الأسود والملح ..

تقدم مع الخبز الأسمر المحمص ..

أضفت لها زيتون وقلاص الجاي يعدل المزاج ..

الكريب

2 بيضه + نص قلاص حليب + ملعقه صغيره سكر + نص ملعقه صغيره ملح .. نخفقهم ثم نضيف لهم نص قلاص طحين ..

http://www.mnq8.com/mybox/getimg.php?image=9176

ونتركهم نص ساعه يتخمرون ..

نجهز القلايه وندهنها بشوي زبده او زيت ونبدا نصب الكريب مقدار استكانة..

http://www.mnq8.com/mybox/getimg.php?image=9177

حوالي 30 ثانيه ثم نقلبه ..

http://www.mnq8.com/mybox/getimg.php?image=9178

انتو وذوقكم .. شحابين تحشونه .. ؟

نوتيلا وفراوله ؟

مربى وزبده الفول السوداني ؟

جبن وعسل ؟

http://www.mnq8.com/mybox/getimg.php?image=9179

انا حشيتها .. زبده الفول السوداني + مربى مشمش حلواني

لفوها رول وقصيوها من النص وقدموها ..

http://www.mnq8.com/mybox/getimg.php?image=9180

اختكم بنوتة عيمان