>> ..في خاطرك..<<
 

[align=center]السلام عليكم ورحمة الله وبركاته
القصيده من كلماتي واتمنها توصل لمستوى ذوقكم الرفيع

في خاطرك لوشي تبغي تقوله
قصر كلامك بعدها صكر الباب
بعض البشر ثاقل علينا فضوله
وبعض البشر ماشي بها شي ينعاب
افرض كلامك صدج واقع حصوله
قلبك معي بس الزمن فيك غلاب
ماهوب بشرط الي توده تنوله
لاكن وين الي استوى قبل لغياب
يوم انت موب قادر تشيل الحموله
وش له عيل حب وتغربيل واعجاب
كل شي تبيه اتحصله ابسهوله
ولا كذا ولا ترى القرب ماطاب
تركتني وادعيت عقلي بذهوله
ياحيف ظني فيك ياحيف ماصاب
ومنك انسكعت بونتي الليل طوله
يالين قلبي من وهج نارها ذاب
والله لو اني بسن الطفوله
م الي ابتليته وشابني الراس قد شاب
بعض العرق في الوجه جايز نزوله
لوالخجل في الدم بالعرق منساب
والبعض لاذوله ولاهم بذوله
ماتستحي تفعل بلا عد وحساب

ولمن يرغب في نقل القصيده اتمنى منكم ذكر المصدر

فمان الله[/align][align=center][/align]

صح بدنج اختي غلا
وماعليج زود ياالسنافيه
وان شالله من عيوني
وتسلميلي على هاالمرور الطيب

ماهوب بشرط الي توده تنوله
لاكن وين الي استوى قبل لغياب
يوم انت موب قادر تشيل الحموله
وش له عيل حب وتغربيل واعجاب


تسلم يدك اخووي على هذا الابداع ,,

لاتحرمنى من جديد ابداعك ..

تقبل مرووري وفائق احترامي ..

ومن قال سالم شهاده اعتز فيها اختي العزيزه
وماعليج زود طال عمرج
وتسلمين ع المرور الطيب اختي
وكلج ذوق

الله يعافيج اختي
ومن قال سالم ولا عليج زود
شكرا على مرورج الطيب
الجديد دايم يتجدد بوجودكم ورايكم الطيب
اختي

السلام عليكم
صح لسانك

وعليكم السلام
في خاطرك لوشي تبغي تقوله
قصر كلامك بعدها صكر الباب
بعض البشر ثاقل علينا فضوله
تسلم اخويه على هذا الابيات

صح بدنج ختيه
كلج ذوق

تصدق يا بحر انك تشابه بالعطا قلبي
وتصدق يا بحر انك تشابه بالغدر حبي
تشابه منهو حبيته وبديته على نفسي
هذاك اللي توقعته ينور بالوفا دربي

اجيه وشايل همي ادور عنده الراحة
تخيل لما يلمحني تجيني تركض جراحه
واذا صديت ناداني واذا اقبلت خلاني
واذا قلبي نوى الفرقا يعشم قلبي بافراحه

ابعرف يا بحر ذنبي وش اللي بعمري سويته
انا ما اذكر اني بيوم جرحت انسان وبجيته

جروحي ليه علمني عشان اني على النية
تعب قلبي وتعبني ياليته يقسى يا ليته

ابسكت يا بحر وامشي واخلي ضيقتي فيني
ابسكت وابتعد عنك وادور من يواسيني

وتصدق يا بحر اني توقعتك تشيل هموم
ولكني انصدمت انك غرقت بدمعة من عيني

اجيه وشايل همي ادور عنده الراحة
تخيل لما يلمحني تجيني تركض جراحه
واذا صديت ناداني واذا اقبلت خلاني
واذا قلبي نوى الفرقا يعشم قلبي بافراحه
صح لسانج ختيه
وتسلمين عل هاالابيات الجميله
ونتمنى نشوف يديدج دايم وداايم وانتي متالقه بكلماتج العذبه