المنتدى الرسمي راهي الامارات - سوالف البنات ف الباص

حال البنات في الباص غريب وعجيب !!

يعني مثلا ؟؟؟؟

بسم الله الرحمن الرحيم

السلام عليكم ورحمة الله وبركاته

وحدة ناااايمة واللي بعدها بين الحياة والموت
واللي بعدها باربع بنات بنتين يتكلمون
البنت ( 1 ) امي قالت حق خالي فيصل ود بنتي السوق
البنت( 2 ) مو قلتي خالج هذا مسافر لندن
البنت( 1 ) لا اللي مسافر هو خالي محمد
...البنت معرفتها على اسماء العائلة الكريمة

ومن جهة أخرى نجد الدافورات ..... < الدافورات معناها الشاطرات وإللي يحبون العلم
البنت (1 ) الامتحان النحو صعب اليوم !!
البنت ( 2 ) اللي يسمعج يقول ماتاخذ علينا الاول اقول واللي يعافيج
اكرمينا بسكوتج
البنت ( 1 ) والله .. صعب ماعرفت الاعراب انا شكيت هو (جار ومجرور) ولا (مجرور وجار) >> انه اقول نفسها

ومن جهة أخرى نجد بنات النت .....
البنت ( 1 ) امس دخلت الشات ومالقيتج شو فيج ؟
البنت ( 2 ) انا داخلة لكني مغيرة اسمي
البنت( 1 ) ليش غيرتيه
البنت ( 2 ) مزاجيييييييييي !!
البنت( 1 ) طيب ليش ماتردين على مواضيعج الشينة
البنت( 2 ) واللة مااحد اجبرج تردين على مواضيعي ولااحد عظج على يدج وقال راقبيها
الا القهر مقطع عيونج مشرفة وانا مسجلة بعدج خخخخخ

وفي مؤخرة الباص نجد الفن والطرب .....
البنت( 1 ) ماشفتي الحلقة الأخيرة من المسلسل أمس !!
البنت( 2 ) إلا بااااايخه !! ماتوقعت هذي نهايتها !!
البنت( 1 ) ايه صح مالها داعي
البنت( 3 ) اليوم راح يجي مسلسل غيره شكله زين !!
البنت( 1 ) لا المسلسل اللي راح يجي اليوم قديم أنا تابعته !!

وبجانب بنات الفن .. نجد بنات البلاي ستيشن ....
البنت ( 1 ) اللة ياخذ شركة كونامي مانزلت (سايلنت هيل 4)
البنت ( 2 ) صادقة .. ماشاء الله على شركة كابكوم تنزل ديسكاتها بسرعة
الا هالمرة مانزلت( رزدنت إيفل زيرو ) مايخالف يقولون لكل حصان كبوه >> حلو مطابق هالمثل
تتوقعين يكون فيه ( التايرنت )
البنت( 1 ) احتمال لأن ( البرت ويسكر ) فيه
البنت( 2 ) صدق ..!!؟؟!!
البنت( 1 ) ايه .. قريت مذكراته ويقولون انه فيه ...

ومجموعة ثانية تتكلم عن الطبخ
البنت ( 1 ) اليوم علي المطبخ وعييييييه
البنت ( 2 ) اللي يسمعج يقول كل يوم تكرف بالمطبخ الله يرحم حالي
انا كل يوم عندي المطبخ والغسيل وكل شيء
البنت ( 1 ) لا الحمدلله انا مرة بالشهر
البنت( 2 ) ياحظي .. الا اقول تعرفين طريقة البسبوسة
البنت( 1 ) مدري .. ايه عرفتها انتم تشترون العجين >>>>> في بالها سمبوسة

واما بنات الميك اب والموضة
البنت( 1 ) ناظرت اخت العروس روووووووعة وخصوصا فستانها يهبل مووت >>> احلفي
البنت ( 2 ) ايه وشفتي الظل اللي مسويته قمة الغباء ليش مسويته تحت عيونها
البنت( 3 ) يابنتي هذه الموضة تو نازلة الاربعاء >>> ولا الخميس
البنت( 1 ) اقول لاتعطونها وجهه ماتفهم بشيء
البنت( 2 ) نعم ..!! وش تقصدين .... لايكون تتكلمين عني .... حدج
البنت ( 3 ) لا ياماما اكلم زوجة عمي خخخخخخخخ

فئة (ك ت ب )
البنت( 1 ) عطيني الواجب حق بكره
البنت( 2 ) وليش ماتحلينه بنفسج من غشنا فليس منا
البنت( 1 ) مو انتي ناقلته من اللي بجنبج
البنت( 2 ) هاااه
البنت ( 1 ) اي .. اقول عطيني >>>> يعني اجباري
البنت( 2 ) انا نقلته علشان احنا معزومين في البر
البنت( 1 ) والله .... واحنا معزومين بالبحر خخخخخخ

للأمانه منقول .............