لين العود مال وميل ظلاله

وايق بصدر شاعره وقفل وبيته

فوق قلبي ترك يمناه وشماله

واسبل الدمع وابكاني وبكيته

كنه يقول شي رحت ماقاله

وكني اقول لا توصيه وصيته

وان تنهت من الفرقا على فاله

كنها رمااح في صدري تناهيته!!!

قلت له و( الظروف ) اقوى من آماله

اعتبر حبنا موقف وعديته

عيش دنياك ..وانسى الحب وهباله

وانا بنساك !! وازعلته وخليته !!

عندي اني ليا ضايقته اشواله

وعنده اني تنكرت وتناسيته !!

ويعلم الله..ماني سالي وداله

ما اخبر يوم (مر) ولا تمنيته

احلم فيه ..واصحى ..واتهيى له

كم تخيلته وزارني وناديته

مايس القد ..صالبني على اطلاله

من تركته مكاني ماتعديته

ما اقدر انسااه وانسى وفرة خصاله

اقسم بربي اغليته وحبيته

من تقهواه عشق .. وهز فنجاله

جعله يموت قبل يشوف ذريته

والله اني حزين وحالتي حاله

كل مايمكن اسويه ...سويته

ليتني اقدر اعرف وشهى احواله ؟؟

ولا عن حالتي عقبه درى ..ليته !!

وليتني كل ما مريت في باله:

ادرى اني على باله .... ومريته

يكفى احساسي بوصله عن وصاله

باشعر بجيته لو كان ماجيته

وليتني قبل ما اخليه بلحاله

بست راسه ... وودعته .... وخليته !!