بسم الله الرحمن الرحيم
السلام عليكم ورحمة الله وبركاته
شخبارك..؟

يمه أنا صدري من الهم ضايق
.......... اضلوع صدري ما يشيلن همـه

يمه أريد ابكي واهـد الغلايـق
.......... ازريت حتى الجو ما اقدر اشمه

تكفين لميني ترى الموت سايـق
.......... يسوق روحي بين لمـه و لمـه

يمه ابي فرقا عيـون الخلايـق
.......... اللي تباريني علـى كـل يمـه

طفله واخاف اليوم ظلم الحقايق
.......... اخاف يسقيني الزمن مر سمـه

يمه بموت من الهجر والشفايـق
.......... دام الهوى المطعون فالعين زمه

يمه أنا مابحت لأدنى الرفايـق
........... والله ما قويت عرقـي بدمـه

يمه انطعنت وجرحي اليوم فايق
.......... في ذمتي لاشق ثوبـي وكمـه

يمه ابي اعرف اذا الموت بايق
........... هو باق خلي من عيـونٍ تهمـه

علمه لا لافني من دروب و طرايق
............ قولي ترى حيلي فقد كل عزمه

ياليتني ما اقفيت بالـود رايـق
.......... يومٍ إن عينه تبتسم لـي ببسمـه

يقول ما غيرك لذا العمر لايـق
.......... العمر راح اليوم دونـه مذمـه

راح و تركني ما تحرى الوثايق
........... الموت ضمه قبل صدري يضمه


لاتحرموووني من ردودكم الغاويه ..

..





روحي تبيك وأبيات شعري تحتويك !
عمري وحياتي والمشاعر تحتريك ..
قلبي يحبك والعيون تموت فيك !