بسم الله ..
قصـه واقعـيه
( آنت حـبي الآول و الآخير )
.. بقلكم قصة من أول بدآيه ,, لكنهآ قصه لليـوم مآلهـآ نهـآيه ..
{ هو الي حبيييته و تعلق به قلبي ..
هو الي خذا عقلي و تشبكت به روحي } ..
طبعا بذكر بس الأشخاص الأساسي ..
تركي : انساان هادي و جميل و اخلاقه عاليه و ماعليه رمسه ..
الغلا : انسانه جميله و حبوبه و قلبها أبيض ..
حمد : أخو الغلا المقرب و هو ربيع تركي الروح بالروح .. و هو انسان تقدرون تقولون عصبي شوي بس متفهم ..
شمه : صديقه الغلا الروح بالروح و جنها اختها و فيهم شبه من بعض .. و هي انسانه حبوبه و جميله و حنونه ..
نـبدآآآ ..
كان تركي مشترك بمنتدى و هالمنتدى كانت الغلا من الاداره و طبعا تركي يعرف غلا و غلا تعرف تركي و اهلهم وايد مع بعض المهم تركي حب الغلا بس ما قال لها بالبدايه لانه مو من النوع المتسرع و عفكر تركي ارفيج اخو الغلا الروح بالروح إلي هو حمد ..
فيوم من الايام تركي ضاف الغلا عالايميل لان كانوا يديرون نفس القسم في المنتدى ..
{ والله اني احبك ..
انا لجلك تحلـآلي دنياك ..
و مع الايام تركي ما استحمل و اعترف للغلا بحبه .. طبعا الغلا ما صدقته و لا قبلت الموضوع و سكرته و يوم كانوا يجوفون بعض الغلا من النوع إلي ما تحطي عينها بعين واحد فدوم منزله راسها و تركي ريال ما ينلام ان جافها و هو يحبها ..
ومع مرور الايام رد تركي و فتح الموضوع مع الغلا ..
الغلا : انا ما اقدر ارمسك اذا جيه السالفه اذا انت تحبني تعال من الباب مو من الدريشه و سو لي بلوك و دليت من ايميلك لو سمحت .. < هي كله عبالها انه يجذب عليها .. (هذآ بآلمسن)
تركي : خلاص سويلي بلوك و دليت بس جوفي شو بسوي و صح كلامج مو من حقي ارمسج بالمسن و انا بخبر امايه تحجزني لج ..
الغلا :لا لا خلاص ماله داعي .. << وهي مو عارفة شو تسوي ..
فالبداايه الغلا خافت بس لا حول و لا قوه سوت بلوك و دليت ..
و كاان كل يوم يمر و الغلا تفكر برمست تركي و خيفاانه ان لو رمسو امها شو بتقول امها و شو بتاخذ فكره عن الغلا ..
و كان كل ما يرن تلفون ام الغلا .. الغلا ترتبببك ..
و فيوم من الايام دقت ام تركي لام الغلا و كانت الغلا عدال امها و الغلا كالعاده كانت خيفاانه ..