راهي جديد
لوني المفضل :
Cadetblue
|
رقم العضوية :
753
|
تاريخ التسجيل :
Jul 2010
|
فترة الأقامة :
5085 يوم
|
أخر زيارة :
09-18-2010
|
المشاركات :
35 [
+
]
|
عدد النقاط :
10 |
قوة الترشيح :
|
|
آلجـــزء 8
نـسيت اذكر لكم واحد مهم سوى وايد آكشـنـآت ,, واحد يحب الغلا و يموت فيها وسوى اشياء بسبت الغلا بذكر لكم منو ها ..
اسمه مايد ولد حبوب بس ما يفكر بعقله وايد و دومه مسرع بقراراته ..
فيوم و كالعاده بدون واحد ولا ثنين داخل المسن و كانت اخت الغلا الصغيره داخله المسن ( ملاك ) ..
مايد : ملااااك ..
ملاك : هاااا ؟؟
ماايد : ملااك وين الغلا ؟؟
ملاك : مدري ,, ليييش ؟
مايد : انزين بقولج شي و انتي وصليه للغلا ..
ملاك : قول ..
مايد : انا احب الغلا و بلييز قوليلها ..
ملاك قاعده تقرا و تنقع من الضحك : هاا شو قللللت ؟؟؟ !!
مايد : مثل ما قريتي ,, احبهااا ..
ملاك : هههههه .. انت من صجك ترمس !!
مايد : شفيج تضحكين .. ارمس جد ..
ملاك : هههههههه .. اوكي اوكي آسفين ههههه
و فهاللحظه مرت ملاك قدام ملاك ..
ملاك : غلوو تعااااي بسسسرررعه اقريييييييي ..
و راحت الغلا عند ملاك و مسكت اللاب و قعدت تقرا ..
الغلا : ههه ها من صجه يرمس ؟؟
ملاك : مادري عنه بس جد يضخخخك هههه
الغلا : قوليله الغلاا ماعندها هالسوالف و انسى الموضوع ..
وراحت الغلا .. و هي تمشي كانت تفكر و تقول : غريبهههه مستحيل ها يحبني شكله بعد يلعب علي ,, ليش افكر انا لا ..
و نست السالفه . .
اليوم الثاني مايد جاف الغلا حادره المسن ..
مايد : الغلا انا ارمس جد
الغلا : مايد انسى ,, انا ما عندي هالسوالف ..
مايد : ياخي حسي فيني .. انا احبج
الغلا : مايد كم مره بقولك انا ما عندي هالسوالف و بعدين روح حب غيري ..
مايد : كيف احب غيرج ؟ كيف ؟
الغلا : خلاص قلت لك انسى السالفه و سولي بلوك و دليت و مع السلامه ..
ماقدر يرمس الى الغلا مسويه له بلوك و دليت ..
راح مايد و قال لملاك اخت الغلا ..
مايد : ملا ك قولي لي الغلا احبج و بتم احبج لو شو ماسويتي ..
و الغلا ما هتمت لانه الي تعرفه انه مايحب من قلبه و انه يستهبل ..
طبعا مثل ما قلت لكم دومه مسرع و مايفكر بعقل ..
بعد كم يوم رن تلفون بيت الغلا و محد بالبيت غير الغلا .. و ردت الغلا على فون البيت ..
الغلا : الووو ..
خالد اخو مايد : هلا الغلا شحالج "؟
الغلا : خاالد !!
خالد : هيه خالد ,, مستغربه ليش داق لج صح ..
الغلا : هييه !!
خالد : بصراحه انا ابي اخبرج شي عشان جيه متصل ..
الغلا : تفضل !!
خالد : بصراحه انا ارمسج الجين و انا بالمستشفى عن مايد لانه مرقد بالمستشفى ..
الغلا: لبش !!
خالد : امم من بعد ما انتي رفضتيه راح عند ربعه و قال لي واحد من ربعه سوق السياره بسرعه ابييك تدعمني .,, فالبدايه اربيعه مارضا لين ما
حاول معاه و دعمه ولو زاده السرعه اكثر كان بيكون هو ميت الحين ..
الغلا و هي منصدمه : شوووووووو ؟؟ هذا اهبللل ؟؟ و اربيعه كيف يررضااا ؟؟؟
خالد : بس دخيلج ها بيني و بينج ما ابي حد يعرف حتى ماما ماتعرف و حتى مايد مايعرف اني خبرتج ..
فالغلا خبرت اختها العوده و راحت اختها المستشفى .. و كان كل يوم يتصب فيها خالد و يطمنها .
و الغلا كانت خيفانه عليه لان هي السبب و كانت كاره دنياها ..
وماقدرت غير تفضضفض لشمه حالها ..
ففيوم قررت الغلا ترمس مايد ,,
ورمسته و قعدت تفهم بس هو يبيها و يبي حبها و هيه محد بقلبها غير تركي ..
فيوم رفضته مره ثانيه راح ياب المشرط و قعد يقحر ايده و طلع منها دم بشكل فضيع و كان بيوصل للعرق بس ماوصل .. و صور ايده و طرشها
للغلا .. الغلا ما استحممممممل و ماعرفت ادبد ششو تسوي وراحت رمست اخوه العود يفهمه و خلت السالفه عاخوه العود ..
بعد هاليوم و بتاريخ معين كان اول اتصال من تركي للغلـــآ ..
ليش ؟؟ و شو السبب ؟؟ هو مستحيل يدق لها جيهه بدون سبب ..
بنجووف بعدين انشاء الله ..
{ يآلغلـآ آنآ آسف ؤلـآكن حبج تملكنـي ..<
تركي يطرش مسج للغلا : الغلا بدق لج ممكن ..
يهتز فون الغلا و تفتح المسج و عقب ردت : ليش ؟؟
تركي : ابيج بموضوع ,,
الغلا :اوك بس ما بنطول ..
و طبعا ها اول مسج من بينهم و اول مكاالمه ,,
و يدق تركي للغلا ,,
تركي : السلام عليكم ..
الغلا سااكته ما تقول شي,,
تركي : ردي السلاام انزين ..
الغلا : وعليكم السلام
تركي : شحالج ؟؟
الغلا ماردت ..
تركي : اممم ابي اخبرج سالفه بس مو الحين فيوم معين بدق لج و بخيرج و سموحه لاني دقيت فجأه بس حبيت اخبرج و بغيتج ما تخبرين
اخوج .. ومع السلامه
و سكرت الغلا و كانت مستغربه .. !
ومرت الايام و ياي اليوم الي كانت قاعده الغلا عاللاب و يوصلها مسج ..
تركي : لازم الحين ارمسج ..
الغلا: اوكي بس ما برمس ..
تركي : اوكي ..
و دق تركي للغلا و ردت الغلا ..
تركي : السلام عليكم ..
الغلا : وعليكم السلام ..
تركي : شحالج .؟؟
الغلا : ,,,,,,,,,,,,, ما ردت ..
تركي : انزين انا بسألج و انتي ردي عليه ..
الغلا : تمام ..
تركي : بصراحه الغلا انتي تعرفين اني احبج و انا اعرف انج انتي بعد تحبيني ,,
بس سامحينيي وااايد لاني غلط وقصرت ,,
و بصراااحه انا احبج و بتم احبج بس خطبتي قربت و اهلي مصرين اني اخطب و انا ما ابي غيرج بس هذا القدر ,,
الغلا : انزين انا ادري انك مو لي ..
تركي : سامحيني يالغلا مو بيدي والله لو بيدي جان ما صار هالشي ,,
و طول المكاله الغلا ساكته و تصييح ,,
المكالمه تمت حوالي ساعتيييين ,, و الغلا بس تصييح و تركي يعتذر و يشكيلها ,,
هذي المكالمه الوحيده الي طول فيها اصلا هي مارمسته الي المواقف الي ذكرتها لكم بس ,,
و فنهايه المكالمه ,,
|