امير الهوى

شف للغلا شي قبل لا اطول غربتنا
اخاف كثر الغياب وتصعب الجيـه

بالله ف البعد قلـي ويـش حاجتنـا
مدام خذنا الزعل حاجـه طفوليـه

نبغي نموت ف بعض مادام مامتنـا
يازين خل الامور اتصيـر عفويـه

لا تفرح الحاسدين بطـول صدتنـا
لا تنزع القلـب واتقطـع مجاريـه

الارض سكـه تعدهـا مساحتـنـا
جيش من الحـب خيالـه ورجليـه

اعشوش القلب وامطر من صراحتنا
واحبال الاشواق معقـوده مطويـه

لو افترقنا ياعمري ويـش حجتنـا
واحنا نشوف الجفا بانـت موانيـه

الله يـوم النجـوم تـنـام مابتـنـا
الطرف شاقي وطرف زايـد غيـه

شفـللغلا شي قبل لا اطول غربتنا
اخاف كثر الغياب وتصعب الجيـه

بالله ف البعد قلـي ويـش حاجتنـا
مدام خذنا الزعل حاجـه طفوليـه

علـى بعضنـا اذا اقفينـا تلفتـنـا
وكل "ن" يغير من اللهفه طواريـه

وان كان نيتك تقطع فـي علاقتنـا
ماعاد عندك ياشيـخ الغيـد حنيـه

مرخوص بس خلنا نحفظ كرامتنـا
قدامهم نتـرك الاوضـاع عاديـه

لا انشوف بعيونهـم منـا اهانتنـا
وانزود الكيه الـي بالحشـى كيـه

لاكن فديتـك لا نفضـي ماتلفتنـا
اخاف من دمعتي لا اتهـل عفويـه

شفـللغلا شي قبل لا اطول غربتنا
اخاف كثر الغياب وتصعب الجيـه

بالله ف البعد قلـي ويـش حاجتنـا
مدام خذنا الزعل حاجـه طفوليـه