[align=center]«®°·.¸.•°°·.¸¸.•°°·.¸.•°®»[align=center]السلام عليكم ورحمة الله وبركاته



**.. أحــب غيــــرك ..**



لجل كـل الغـــلا أرجــوك ياخـلي توادعنـي
أنا ماقوى على حزنك إذا فكرت بالنسيان

تـرى قلبــي إذا ترسـل يفــز وحيــل يتعبنــي
يحس إنه جرح قلبك وهو ماقد جرح انسان

صحيح إن الغلا لجلك كبير وحيل مشغلني
لكني أحب غيرك وما أقدر أعيش خوان

أحب شخصن ملك قلبي وحبه دوم يناديني
أحس إني على عشانه أبيع الدنيـا والأكوان

أحبــه يــوم يدلعني.. وأحبــه لو يعــاتبني
ولى مني زعلت منه أقول عن نفسي الغلطان

أحبه لو قــرب مني.. وأحبه لو يجـافيني
أحبه لا نطق باسمــي يعيشني الهنا ألـوان

أحبه يوم يتغلى يزيــد كل الولــه فينــي
أحبه يوم يهمســلي يحرك فيني الوجدان

أحبه بكل نظراتــه.. يموتني ويحيينــي
أحبه بابتساماته يباعد عني الأحــزان

أحب أرضن تدوس بها أقدامه غصب عني
تنابت بعدها وروده وصارت كنهــا بستـان

أحــب ليــلن إذا يسهــر يراقبــه ويراقبنــي
أحب نسماته تنقلي هواجس من غداله شان

أحب ريحن إذا يعصف يداعب شعره ويجيني
يزود شوقي بقلبي وأصيـر من بعدها ولهــان

أحب كل شخص يحب اسمه وأضمه في شراييني
أحب أهله وأحب ربعه وكل خلن غدا له وكان

أحــب تفكــيري دام انــه على طـاريه يبقينــي
وأحب نفسي دام النفس على حبه بقت أزمان

أحب الدنيا في وجوده ويزين الكون في عيني
يوديني على كيفه.. ويروي قلبي الضميـان

أشهـد له ملك روحـي وملك كـل الذي فينــي
وأشهد له ملك عيني وملك قلبن حفظه وصان

صحيح إن البعد قتـال لكـن حبــه يغنيني
في قلبي بنا عرشه ولا غيره لقى له مكان

أنا أترجاك تعذرني وتنســى كــل عناوينــي
ترى قلبي يحب غيرك وما يقدر يعيش خوان


مسروق ^^
بقلم عاشق الحرمان ^^
أن شاء الله تعيبكم ^^[/align]«®°·.¸.•°°·.¸¸.•°°·.¸.•°®»[/align]

[flash=http://g5g5.net/xzfiles/CYt18442.swf]WIDTH=400 HEIGHT=222[/flash]