المنتدى الرسمي راهي الامارات - عرض مشاركة واحدة

#1 01-23-2009, 09:15 AM

بسم الله الرحمن الرحيم ..

السلـآم عليكم ورحمة الله وبركـاته ..

إلى أعضاء المنتدى أرجو الدخول للـأهميـة

إخواني أعضاء منتدى راهي الـإمـارات ، ،

انا ما راح اتكلم وآآيد باللغـة العربية يعني عشـان لـآآ يتعذر البعض منكم ويقول ما فهمنا شو المغزى من الموضوع ،، وراح أحاول قدر الـإمكان ان الـأسلوب الي بكتب فيه يكون كأني أحاوركم وما راح أعقد فالكتابة .

بالبداية أحب أقولكم أن السبب الي خلـآآني أطرح ها الموضوع هو بعض التجاوزات الي حصلت في الـأيام الـأخيرة بالمنتدى ،، أو عشان ما تزعلون ما راح نسميها تجاوزات المهم سموها مثل الي تبون اهم شي او الي ابى اوصله انه في أشياء خطأ صارت بالمنتدى عاد هالخطأ يمكن يندرج تحت وايد أشياء تجاوزات أو قلة أدب أو أو أو عشان جي أختصرت وقلت خطـأ.

و الخطـأ بالذات أعتقد الكل يعرف وين وانا الي راح أركز موضوعي عليه ،، طبعاً هو صندوق المحادثات .

اعتقد تعرفون ليش الـإدارة وضعت صندوق المحادثات هي وضعته عشان الـأعضاء يتقربون من بعض أكثر وعشان يتفاعلون مع بعض أكثر وعشان كل واحد يعرف جانب من أي عضو ،، يعني مو معقولة أي عضو يدش المنتدى ويحط موضوع فكل الـأقسام حلو ماشالله عليه يحب المنتدى وآآآيد بس بعد ها العضو بيي يوم وبيمل فعشان جي الـإدارة عشان تتجنب ملل ها العضو وضعت له صندوق المحادثات يعني كـإستراحة صح ليش ما نعتبر صندوق المحادثات إستراحة للعضو ويلتقي في هذا الـإستراحة بباقي الـأعضاء الي بعد كانو يطرحون المواضيع بالمنتدى ، ويسولفون ويتبادلون الـآآراء و ... الخ من هذه الـأمور .

لكن وأرجو التركيز على لكن هذه في شي لـآآآزم تعرفونه ان الـإدارة ما حطت هالصندوق للتعارف والمصخرة والسوالف الي ما لها معنى واسمحولي على هالألفاظ بس تقريباً ها الي صاير في منتدانا يعني ما راح أقول صاير بس يعني نوعاً ما يعني ماشالله كل يوم أدش فيه المنتدى ألقى حرب قائمة بين الـأعضاء وكل يوم والثاني عضو ولـآ عضوة مطرشة رسالة تشتكي فيها والله العضو الفلـآآني سبني ،، العضو الفلـآني قال ألفاظ ما تنذكر ..

انتو صحيح تعتبرونها وسوالف وانا يعني كشاب مثلكم يعني مب من كبري مب من زوود عمري عشان ايي واتفلسف عليكم وانا والله فاهم انه كله سوالف بس أهم شي تكون بحدود ..

يا أخي سووولف لكن ما توصل لحد المصخرة لـأنه في أعضاء يتريونها من الله يعني يسوون أعمارهم ماشيين وياك فالسالفه وانت يحليلك تسوولف وتتمصخر لـكن آآخر شي تلقى لك رسالة من الـإدارة انك موقوف أو عندك إنذار ،، ليش خير شو صاير !!!! والله العضو مشتكي عليك انك امس تسبه هو معاه حق و الـإدارة أكيييد بتنصفه لنك انت بس الي تعتبره سوالف..

أنا مراح أطول عليكم وآيد بس في كم نقطة أباكم تركزون عليها:-

[mark=ff0000]1-عدم الـإكثار من ذكر ألفاظ غير لـآئقة ( خاله / بوية / انجلع / اطلع برع ) .[/mark]

2-أن تكون مواضيعكم ( سوالفكم ) بحدود الـأدب .

[mark=ff0000]3-لـآآ تتحمس وآآيد وانت تسولف وتتمصخر الـآآ يووم تتأكد انه العضو الي ترمسه وضعه مثل وضعك يعني راعي سوالف وجي ،، ومب معناها تنسى عمرك يعني بحدود .. مثال ( مالي حل & مكسيكي ) مثال لـآ يعلى عليه متفاهمين بطريقة غريبة يعني نحن ما نبى نحسدهم بس مجرد لـأعطي مثال ع النقطة ،، عشان مايي فالنهاية يتنذل عليك ويشتكي .[/mark]

4-إلى الشباب خـاصة يوم تلـاقون بنت بالصندوق المحادثات ما تلـآقونها فرصة عشان تعصبونها وتتمصخرون عليها وتخلونها تطلع من المنتدى . لنه والله وها تنبية شديد اللهجة أي بنت وأنا رآح أركز ع البنات لأني أعرف مدى معاناتهم وخاصة من عضوين وماراح أذكر أساميهم تيي وتشتكي وتقول ها سبني أو ها تلفظ علي العضو رآح ينطرد ع طول من دون تنبيه لأن السالفة نوعاً مصخت .

[mark=ff0000]5-وهو الـأهم عدم التسجيل بأسماء غير لـآئقة بالدين الإسلامي سواء كان ها الإسم مباشر أو غير مباشر . [/mark]

أي إستفسار عن الموضوع أو عن أي نقطـة أنا حاضر وموجود ..

[mark=ff0000]ملـآآحظه بسيطة[/mark] : إذا ما شفنا أي تعاون مع الـأعضاء بخصوص ها الموضوع والتجاوزات في الصندوق ما زآلت مستمرة ،، للـأسف الـإدارة رآح تغلق ها الصندوق .

وممنوع لإي عضو جديد ونك نيمه غير لائق سيتم طرده بالفور

للعلم فقط الـإدارة ( راهي الامارات ) من طلب مني كتابة الموضوع حرصاً منه في بقاء المنتدى مميز و أن يبقى من أفضل المنتديات وحرصاً منه على ان لا تكثر التجاوزات .

في أمان الله

أخوكم : روح بوظبي

إحصائية مشاركات » Яoo7-AD
المواضيـع :	[+]
الــــــردود :	[+]
بمـــعــدل :	0.31 يوميا