--------------------------------------------------------------------------------

..::.. بــســمــ الــلــهــ الــرحــمــنــ الـرحــيــمــ ..::..


حبيت اعرض موضوع وان شاء الله محد يزعل من كلامي..^ــ^..


كوني ( إماراتي ) بتكلم عن مجتمع الأمارات الغريب والعجيب بخصوص أمور ( الأصل ) !!!

الحين إذا سألك واحد شو أصلك ؟؟؟ تقوله إماراتي .. يقول لا لا أصلك يقصد يا ( بدوي أو بلوشي أو عيمي أو يمني ) !!

يعني تقريبا هالأربع ( جنسيات ) أكثريتهم صاروا ؟؟ مواطنين أماراتيين ..

بعد ما صاروا هالفئات كلهم ( إماراتتين ) بس لين الحين تشوف ( العنصريه ) بينهم .. ولين الحين تشوف الحقد ما بينهم ..

يعني لو تقدم حق الزواج ( إماراتي من أصل بلوشي حق إماراتيه من أصل عيمي ) ؟؟؟ أهلها ما يوافقون عشان أصله بلوشي !!! ( والعكس صحيح ) ...

وتشوف العرب البدو حاقدين على ( العيم والبلوش ) ويعتبرونهم أقل منهم وما يكون في ( ألفه بينهم ) ..

وتشوف ( البيض ما يحبون الخوال ) ويستصغرونهم ؟؟ ( مجتمع غريب ) !!

وتشوف ( المواطنين البلوش ) يحطون دوم على ( المواطنين اليمنين ) أنتوا يمنيين وأنتوا ...؟؟؟

يعني ما تشوفون موده بين ( أهل الأمارات ) خاصه بين البلوش والعيم والبدو يعني الكل نفسه نفسه ويشوفون الطرف الأخر أقل منهم !!! ( ليش ) ؟؟؟ ما تعرف ؟؟؟

في الأخير ترى كلكم إماراتيين وماشيء فرق خلاص أن هذا بلوشي وهذا عيمي وهذا يمني لين متى بيتم هذا التفكير القديم عندنا في المجتمع ..

متى بتكبرون عقولكم وتشلون عنكم هذا التفكير ( العنصري ) !!!

ترى البدو والبلوش والعيم الكل مكمل الثاني في مجتمع الأمارات والكل له دور في بروز دوله الأمارات ..

بس للأسف ( مجتمعنا ) غريب وعجيب والكل عايش على نظريه ( العنصريه ) !!!

مثل ما قلت في البدايه : غريب أمركم يا ( أهل الأمارات ) !!!

ولا شو رايكم يا جماعه ؟؟