السلام عليكم و رحمة الله و بركاته
شحالكم اعضاء راهي الإمارات ؟ ^^"
.
.

.
.

في البداية شو هو الـ Action ؟!

هو عبارة عن إضفـاء لمسة راقية للصور والتصاميم باستخدآم برنـامح الفوتوشوب

المهم ، نروح للسؤال الثاني ، اللي هو
كيف نستخدمـه ؟!

أنا بقولكم كيف ،
في البدايـة ، حملـو الأكشنـات
سيفوهن في مكـان بارز مثل الديسك توب أو أي فولدر المهم تتذكرون مكـانه

الحين .. عقب ماحملتوا الأكشنـات ،
روحوا للفوتوشوب واتبعوا الخطوة التالية ..



طبعاً إذا كانت علامـة الـ [ صح ] موجودة عند كلمـة Action ماعليكم إلا انكم تروحون للمكـان اللي موجود فيه البوكس ،

الخطوة الثانية هي كالتـالي ،



الحين ،، تتذكرون وين سيفتوا الاكشنـات .. ؟!
لا ماتتذكرون ؟ يبالكم ظرب روحوا اشوف سيفوهن مرة ثاني وعقب ردوا كملو

المهم ، وصلنا للخطوة الثالثة واللي هي ، Load Action



بتحصلونـه اهنة ، إذا ضغطتوا ع المثلث الصغير اللي انا محددتنه بالأحمـر ، ^_^



الحين نروح للمكـان اللي خزنـا فيه الـ Action اللي نبـاه ،
ودبل كليك



الخطوة اللي عقبها نفتح الصورة اللي نبا نطبق عليها هالأكشـن ،
ونروح عند الأكشـن ، ونضغط ع هالمثلث ،



يمكن تطلع لكم مربعات تسألكم تبون تستمرون اضغطوا اوكيـه

وبس ،

فوددت تقبيل السيوف لأنها
لمعت كبــارق ثغرك المتبسم