وآقِعٌ يأبى أن نُلبسه ثَوب الكَمآل

انا : المبرقعة

اضفني كصديق

السلام عليكم ورحمة الله وبركاته



تعال نحوّل الموقف و نقلب موقع التصوير
أنا بحكي كلامك و انت قول اللي أنا قلته

تعال نبدّل ادوار و نجمّل مظهرك للغير
نقول انّي أنا الخاين و دور الحب مثّلته

أبيك تقلّهم جاحد و تبدع فيني التعبير
أبيك تصوّر انّي أبشَع انسانـ[ن] بعد شفته

و قول انّي تملّلت و خفوقي يعشق التغيير
و قول انّه طهر قلبك بدون اسباب دنّسته

و قرّيهم مكاتيب الغرام و زيدهم تحيير
و صوّر للبشر قلبك أنا وشلون حطّمته

أبي عينك توّريهم حماقه مالها تفسير
و قول انك وفيت و قلبك الصادق أنا خنته

و عيش الدور و اقنعهم بأنّه كل شي يصير
و لو هم كذّبوك احلف بأنك خافقي صنته

تفنّن بالكذب و اتقن فنون الحب و التدبير
و خلّك واثق و صدّق كلام و كذب لفّقته

لأنك لو تصغّرني ما غير تزيدني تكبير
صعب تشويه صورة من كبيره حيل منزلته

و اذا سألوك عني لا تذم و لا تقول بخير
و شرّي لي جهلته ذا مصيرك تعرف بوقته

دموعه .. يا دموعه إرجعي ما عاد لج تأثير
محال آعدّي اللي طول عمري ما تخيّلته

مصير الوقت و الأيام تثبتلي فراقك خير
و هالعالم بعد تدري سلوكك كم تحمّلته

خلاص نرد موقعنا و نبدأ موقف التصوير
بلاش نبدّل ادوار و تمثّل شي ما قلته



حافظكم الرحمن