موضوع شامل وكامل عن (جزيرة بالي)

انا : Ro7y.T7bk

اضفني كصديق

صباح الخير .. مساء الخير ..


اليوم مووضوعي وايد حلو لعشاق الطبيعة وأصحااااب السفرات الخارجيه لاتفوتكم جزيرة بالي



جزيرة بالي ... الجنة المجهولة ..!




جزيرة بالي ربما تكون أكثر وجهة سياحية ظلمت من قبل الناطقين باللغة العربية فسوف تبحث في مواقع الانترنت العربية وتبحث حتى تمل ولن تجد مايشفي نهمتك عن هذه الجزيرة الساحرة ..... لن تجد دليلا دقيقا لهذه الجزيرة سوى بعض المواضيع التي تم نسخها هنا وهناك مع اعترافي بجهود الاخوة في هذا الموقع ولكن التقصير تجاه هذه الجزيرة أصبح واضحا ...

هذه الجزيرة التي عشقها الغرب حتى خلدوها بآلاف المواقع عبر الانترنت متفوقة بذلك على العديد من الوجهات السياحة الشهيرة في آسيا ....


بالــــي - Bali


- الجزء الاول -


جزيرة الالهه و جنه استوائيه ساحره تغطيها مزارع الارز المنتشره على اراضيها و سفوح جبالها ، تخترقها الانهار و جداول الري الصغيره ، اراضيها مفروشه بالعشب و الزرع الناصع الخضار فيخيل لمن ينظر لها بانه امام تحفه فنيه وليست حقيقه ، و عندما تتجول في غاباتها و سفوح جبالها فاول ما تلاحضه هو صوت خرير الماء وهو يعزف سمفونيه فريده من صنع الطبيعه..

جبالها البركانيه الممتده نحو السماء بسحر و شموخ جعل السكان الاصليين في الحزيره يعتقدون و يؤمنون بان هذي الجبال هي مساكن اليهتهم . تشتهر ببركان قوننق اقونق (Gunung Agung) و الذي يعد روحاني للسكان المحليين لاعتقادهم بانه هو محور الكون. و عندما ترا و تزور هذا الجبل قد تخرج بنفس الاعتقاد و الانطباع.

على المسافر الي بالي تفادي السفر في شهري 7 و 8 بالاضافة الي نهائة شهر 12 و بداية شهر 1 ( الكرسمس و السنة الجديده) وذلك بسبب الموسم السياحي في الاوقات هذي و ما يصاحب ذلك من ارتفاع ملحوض ونصب في الاسعار. كما يجب على المسافر الي تلك البلد تفادي السفر في شهر 2 و 3 بسبب الحراره و الرطوبه العالية (ازين لكم تقعدون في حر ديرتكم ولا حر ديرت غيركم).



مطار نقوره راي (Ngurah Rai) وهو المطار الدولي في جزيرة بالي يعتبر تابعاً لمدينة دينبسار (Denpasar) وهي عاصمة جزيرة بالي رغم انه يبتعد عنها مسافة 13كم.



عندما تصل الي مطار دينبسار وليس لديك تنسيق مسبق للنتقال من المطار الي وجهتك على الجزيره سواً الفندق الذي تسكنه او مع اي جهه ثانيه فتوجه مباشره الي الكاونتر المخصص لتذاكر التكاسي (و ترا مالكم عذر ما تحجزون الفندق من ديرتكم) ، وليكون معلوم لديك بان اسعار التكاسي محدده مسبقاً على حسب وجهتك ، لذلك لا داعي للمفاصله في السعر ولا داعي للخوف بانك قد تكون انغشيت (الله يعينهم عليكم تلقاكم بتقعدون تكاسرون تقل انكم تشترون جح من راعي ددسن في الشارع) . تفادا اخذ تاكسي من الشارع مباشره لانها غير مسجله مع المطار و قد تتعرض للابتزاز في سعر النقل او ماهو اسوا (يعني بختصار ممكن تنجطل). فليكون ايضاً معلوم لديك بانه لا يوجد في المطار مواصلات عامه (باصات). (والله الي ماهقيتكم تركبون باصات).




طبعاً العمله الريئسيه في اندونيسيا هي الروبيه ( كلمة روبيه تعني الفضه باللغة الانونيسيه) (و للي ما يدري تراها نفس عملة الهنود) ، وتاتي على شكل قطع معدنية من فيات 25 ، 50 و 100 وفي بعض الاحيان النادره ممكن ان تجد قطع معدنية من فيات 5 و 10 روبيه (تراها زينه للبخشيش ، بس الله يعينكم اذا الاندونيسي عصب و جدعها في وجهكم). و كذلك تاتي على شكل قطع نقدية ورقيه من فيات 100 ، 500 ، 1000 ، 5000 ، 10000 ، 20000 ، 50000 و 100000 روبية. و يبغالكم تنتبهون من بعض الفيات النقديه الورقيه التي لم تعد متدوله و التي لم يعد لها قيمه مثل 10000 روبيه ذات اللون الوردي (يعني الزهري او الاحمر الفاتح) و تكون مطبوعه قبل عام 1992 و 20000 روبيه ذات اللون الاخضر (نفس لون الدولار للي شاف الدولار) و تكون مطبوعه قبل عام 1992 بالاضافه الي 50000 روبيه ذات اللون الازرق و التي تحتوي على صوره الريئس الاندونيسي السابق سوهارتو. (سوهارتو هو ذاك الشايب الي كان دايم يطلع في التلفزيون)



التعليمات الجمركيه : يسمح للسايح الاجنبي بادخال المواد التاليه بدون ان يدفع ضرايب : 200 حبه تتنه (سقاره) (و الي يدخن منكم يقول النا كم تطلع هذي من بكت) ، 50 حبه سيقار (ما هقيتكم راعين سيقار) ، 2 كيلو من التبغ الغير مصنع (للي يحب يلف ، بس انتبهو لا تلفون معه شي ثاني بالغلط) ، 2 لتر من ............. (لا تعليق) و عطور بنية الاستخدام الشخصي (والله مدري انتم تاخذون معكم عطور ولا لا ، و ترا بالمناسبه لازم تثبتون لهم انها للستخدام الشخصي) ، طبعاً يمنع منعاُ بات ادخال الاسلحه و المخدرات بالاضافه الي المطبوعات باللغه الصينيه ( تراها اللي تشبه اليابانيه) بالاضافه الي ان الفواكه و النباتات قد تصادر منك. (يعني يا القصمان خلو السكري عن اهلكم)



بعد ما تطلع من المطار على طول انص الفندق الي انت حاجز فيه و خل عنك اللفلفه ، الفنادق في الجزيره كثيره ( ما اعتقد انها اكثر من البحرين ) و اسعارها تتراوح بين 50000 و 300000 روبيه ( السعر يشمل بعض الفلل).



بالــــي - Bali


- الجزء الثاني-


للي قلبه حديد ممكن يبدا التمشيه برحلة هيلكبتر يلف فيها على كل ارجاء الجزيره ، و يشوف الشواطي و مزارع الارز و الجبال البركانية ، اللي عنده النيه هذي اول ما ياصل للجزيرة يتصل على رقم التلفون هذا 703060 و يحجز له كرسي على اول هيلكبتر و يسألهم عن السعر. (انا شخصياً ما اشور بالرحله هذي لا تنسون انكم في دوله من العالم الثالث و اكيد الصيانه عندهم الله بالخير ، يعني تخيل الهلكبتر تطيح بكم فوق احد البراكين ) ، عاد انتم تخيلو شكلكم وشلون بيصير).




و اللي منكم عاقل زيي ولا اخذ له جوله على الهلكبتر ممكن ياخذ له سياره و يلف على بعض الاماكن السياحية اللي هو يختارها. ، الجوله على السياره بتستغرق حدود 8 الي 10 ساعات حسب المكان اللي تختارونه و بتكلف تقريباً 40 دولار للراس ( نامو بدري ذيك الليله عشان تصحون من الفجر و يمديكم على الرحله ، و خلو عنكم السهر اللي ماله داعي) ، انتبهو اذا استاجرتو سياره لا يهكون عليكم ترا المبلغ المذكور يكون من ضمنه دليل سياحي المفروض انه يتكلم لغتك ( ممكن يكون دليله سياحية ) و الموتر اللي تستاجرونه مكيف ولا عليكم ضرايب الطرق. ( بس عاد لا تمصخونها و تقولون لهم نبي وجبات زي الخطوط السعوديه في الرحله ، عاد من زين وجبات الخطوط السعوديه ). ملاحضه اخيره لين استاجرتو سياره لا تروحون للرخاص منهم خذو الغالين لانهم بيمشونكم بذمه ، مهوب زي الرخاص اللي بيودنكم لم محلات متفقين مع اصحابها مسبقاً عشان ياخذون منهم عموله على كل شي تشترونه منه ( ايه بيرفعون عليكم الاسعار و بيطلعون منكم حق العموله).





و للي ما يعرفون وين يتمشيون ، هذي بعض الاقتراحات:

خذو رحله الي قرية كنتماني (Kintamani ) و بركان باتور (Batur).




تطلعون من عاصمة الجزيره دينباسار ونتم في الطريق للقرية بتوقفون في قرية باتوبولان (Batubulan) ، و اول ما تاصلون للقرية بيقومون سكانها و يرقصون لكم رقصه البرونق (Barong ) التقليديه ترحيب فيكم و يوسعون لكم صدوركم ، (بس لا تصيرون ناشفين و ما تعطونهم شي عن الرقص)




بعد كذا بتروحون لم قرية سيلوك ( Celuk ) ، وفي القريه هذي بتتفرجون على طريقة نحت المجسمات و التحف من الخشب ، (اكيد انتم فهمتو انكم لازم تشترون بعض من التحف الخشبيه المنحوته). بعد ما تحملون تحفك اللي انتم شريتوها بتمرون على قرية يوبد (Ubud) اللي تعتبر المركز الثقافي للجزيره. طبعاً منتم موقفين في المدينه و بتطلعون منها و بتمشون في طرق جبليه تطل على مزارع الارز الساحره المزروعه على سفوح الجبال



بتمشون مع الطريق الجبلي الين تاصلون قرية كنتماني على ارتفاع ما يقارب 1500 متر عن سطح البحر. من القريه بتشوفون مناظر عمر ابو جدكم ما شاف زيها ، بتشوفون نهر باتور (Batur) و الفوهه البركانيه للجبل ، و اول ما تشوفونها بتقولون يالله الجنه و بتحقدون على البر اللي انتم جيتو منه. و اذا فيكم احد بايع روحه ممكن يصعد للبحيره الموجوده على فوهة البركان ، بس خذو بالكم ترا البركان حي ماهو خامل و ممكن ينفجر في اي لحضه ونتم فوقه ( تدرون عاد فيه ميزه لو ينفجر ونتم فوقه ، من قوة الانفجار بتطيرون في السماء و تشوفون جزيرة بالي من الجو مجاناً و توفرون قيمة الهلكبتر).





اذا قدرتو تعدون فوق فوهة البركان مندون ما ينفجر بكم بتروحون لم قرية ترونايان (Trunyan) و منها بترجعون للعاصمه مروراً بقراء صغيره مختلفه منها قرية تمبسكسيرانق (Tampaksiring) ، في القرية هذي بتزورون معبد ترتا امبول (Tirta Empul) و كهف الفيل قوا قاجاه (Goa Gajah) ، بعد كذا تكملون الطريق الي العاصمه.




الحين انتم رجعتو من الجوله الطويله ولا كلتو في الطريق الا موز و جوزهند يعني اكيد طاقكم الجوع و بطونكم قاعده تصارخ ، لذلك اباخذكم و اعشيكم اكله بحريه يحبها قلبكم. اذا قدرتو تقردنون سواق السياره اللي انتم مسأجرينه للتمشيه عشان يوديكم فهاذا شي كويس و ان ما قدرتو خذو لكم تكسي و قولو له يوديكم لم شاطي جامبران (Jimbaran Beach) ، على الشاطي بتلقون صفوف من المطاعم اللي تقدم كل انواع الاكل البحري ، طبعاً كثر المطاع بتدوخكم ولا انتم عارفين اي مطعم تروحون له ، عشان كذا ابفزع معكم مره ثانيه و ابشور عليكم بمطعم LIA المطعم هذا بتلقونه في صفة المطاعم اللي جمب فندق كيراتون (Keraton Hotel) ، في المطعم هذا بتاخذون لكم كيلو هامور مشوي مع الخضار و الرز و السلطه بمبلغ 40000 روبيه (حوالي 4 دولار امريكي) ، و اذا تبون تخربونها ذيك الليله و تاكلون ربيان مشوي ترا الكيلو منه بمبلغ 90000 روبيه (حوالي 9 دولار امريكي) و معه نفس اللي مع الهامور من الاضافات. (انا ما انصح بالربيان ، ونتم تدرون ليه)



عقب ما تاكلون و تعبون البطون ، روحو لم فندقكم و نامو بدري لاني بقومكم من الفجر و اخذكم في جوله ثانيه (انتبهو لا تروحون منا ولا منا).





وهناك منتجع على الساحل الشرقي لجزيرة بالي في قرية صغيره اسمها مانقيس ( Manggis ) ، المنتجع اسمه اليلا مانقيس ( Alila Manggis ).



يلاا نشوف الجزيرة بالصور ..












































































































































انشاءالله ان ينال اعجابكم .. ^_^
ابغي ردود حلوه ..

تحياتي ... بنت الشارجة ...

انا : Dam3.3iny

اضفني كصديق

وااااااو وااااااو وااااااو

انتي شوو مسويه من ويين يايبه الصوور خبلتييني خخخخ

والله روؤووؤعه

تسلميين بنت الشارجه عالطررح


نترياا يديييدج

خوييتج

دموع

انا : Ro7y.T7bk

اضفني كصديق

خخخخخخ

تسلمييييييين ع مروورج الغااوي ..

نورتي ..

انا : тsώα 3чôŋєє

اضفني كصديق

وااااااااااااااااايد اخبااااال

روؤؤؤوؤووؤوؤوؤوؤوؤعه طررررررررررر ناااااااااااااااااااااااار

تسلمييين بنت الشارجة ع الطرح الغاوي

انا : Ro7y.T7bk

اضفني كصديق

تسلميييين بنت خاالي ع المرور الغااوي ..

نورتي الموضوووع .. ^_^