>> ..شفت الزمن..<<

انا : عطر العين

اضفني كصديق

السلام عليكم ورحمة الله وبركاته
القصيدة من كلماتي ..

وان شاء الله تنال على اعــجابكم ..



شفت الزمن يكسر صخر هام لجبال
وشفت الليالي والقمر في خسوفه
وشفت النخيل امن العطش جذعها مال
والشمس سودا من نظرنا كسوفه
وش عاد لو مره انفطر قلب رجال
ودمعات عينه م المواقي ذروفه
جيت اشتكيلك من عنى مر لحوال
هذا القدر جاني بصعبن ظروفه
مااتكلفت نفسك علي كيفك هالحال
وتجبر كسر خاطر بكلمه عطوفه
ماني طلبتك شي ماني بعطال
مالك بنفسك يا خليلي عزوفه
تقلب عليه ياالغلا بقيلن وقال
وتقلل الي بالقدر لو اشوفه
قلي حبيبي يابعد عمن وخال
قلي فديتك ياحلاها لطوفه
كلمة حبيبي ياعسى حالن ومال
افديك لو بيتك من الفقر صوفه
تسوى ترا عندي انا مية منزال
نوفه منازلها ونوفه ونوفه
رجال انا رجال وعني ترا سال
سال المجالس والقدر بي تشوفه
وباكر يحين الوقت ودور لطوال
وجروح قلبي تبتري لو نزوفه
ولا انا رجال من ظهر رجال
ومن طافني بعسري بليني بطوفه




ولمن يرغب في نقل القصيدة اتمنى منكم ذكر المصدر .


فمان الله